မင်္ဂလာပါ

ဤ Website သည် Linux ကို လေ့လာသူများအတွက် ကူညီပေးရန် ဖြစ်ပါသည်။ စာရေးသူကိုယ်တိုင် လေ့လာစဉ်က ကြုံတွေ့ခဲ့ရသော အခက်အခဲများကို အခြားလေ့လာသူများ လွယ်ကူစွာကျော်ဖြတ်နိုင်စေရန် ပညာဒါနပြုခြင်း ဖြစ်ပါသည်။

Linux လေ့လာသူများအနေဖြင့် ခက်သည်ဟု ထင်ကြသည်ကို တွေ့ရလေသည်။ လွယ်ကူသည့်နည်းလမ်းကို မတွေ့ခြင်းကြောင့်သာ ဖြစ်ပါလိမ့်မည်။ ကျွန်တော်ကိုယ်တိုင်လည်း စတင်လေ့လာခဲ့စဉ်က ခက်ခဲသည် ထင်ခဲ့သော အရာများသည် လွယ်ကူသည့် နည်းလမ်းများကို တွေ့ရှိပြီးနောက် ပျော်စရာကောင်းသော လေ့လာစရာ ဖြစ်ခဲ့ရပါသည်။ ထိုအတွေ့အကြုံများကို ပြန်လည်ဝေမျှလိုသော စေတနာဖြင့် ဤ Website ကို ပြုလုပ်ထားခြင်း ဖြစ်ပါသည်။

ဤ Website တွင် လွယ်ကူသော နည်းလမ်းများကို How to ကဏ္ဍအောက်တွင် ရေးသားထားပြီး၊ ဘာကြောင့် ဤသို့ ဤနည်းလမ်းများကို အသုံးပြုရသည့်အကြောင်းကို Why ကဏ္ဍ အောက်တွင် ရေးသားထားပါသည်။ တနည်းအားဖြင့် Why ကဏ္ဍသည် သိသင့်သိထိုက်သော Theory သဘောသဘာ၀ များဖြစ်ပါသည်။ Theory မပါသော နည်းလမ်းများသည် နောင်အခါတွင် အထက်မရောက် အောက်မရောက် ဖြစ်အောင် ဒုက္ခပေးတက်လေသည်။ သို့သော် လူအများစု၏ သဘောကား အလျှင်အမြန် product ထွက်လိုကြသည့် သဘောရှိသောကြောင့် ခွဲခြား၍ ရေးသားပေးလိုက်ရပါသည်။ အလျှင်အမြန် အကောင်အထည် ဖော်လိုသူများက How to ကဏ္ဍတွင် လေ့လာပြီး လုပ်ဆောင်နိုင်ပါသည်။ Theory ကိုလည်း မဖြစ်မနေ လေ့လာရန် တိုက်တွန်းအပ်ပါသည်။